नेवासा – श्री गुरुदेव दत्त पीठ श्रीक्षेत्र देवगड संस्थान येथे भगवान श्री दत्तप्रभू तथा बालसंन्याशी श्री समर्थ सद्गुरु किसनगिरीबाबांचे समाधीस्थान व परमपूज्य गुरुवर्य भास्करगिरीजी महाराज यांच्या दर्शनासाठी राजस्थानचे महामहीम राज्यपाल हरिभाऊ बागडे हे शुक्रवार दि १० जानेवारी २०२५ रोजी सकाळी दहा वाजता श्री गुरुदेव दत्त पीठ श्रीक्षेत्र देवगड संस्थान येथे येत आहेत.

महामहिम राज्यपाल हरिभाऊजी बागडे तथा परमपूज्य गुरुवर्य भास्करगिरीजी महाराज यांचा पूर्वेपासूनचा स्नेह आहे. अनेक सामाजिक तथा अध्यात्मिक कार्यामध्ये अनेक वेळेस एक दुसऱ्याच्या सानिध्यामध्ये हे दोन वेगवेगळ्या क्षेत्रातील मान्यवर एकत्र येत असतात. त्या अनुषंगानेच राजस्थानचे राज्यपाल म्हणून नियुक्ती झाल्यानंतर प्रथमच हरिभाऊजी बागडे हे आपल्या नेवासा तालुक्यात येत आहेत.

हरिभाऊ बागडे हे छत्रपती संभाजीनगर जिल्ह्यातील फुलंब्री मतदारसंघातून चार वेळेस आमदार म्हणून निवडून आलेले आहेत. तसेच १९९५ ते १९९९ मनोहर जोशी यांचे मंत्रिमंडळात राज्याचे रोजगार हमी योजना विभागाचे कॅबिनेट मंत्री म्हणून देखील हरिभाऊ बागडे यांनी काम पाहिले आहे २०१४ ते २०१९ महाराष्ट्र विधानसभेचे अध्यक्ष पदही हरिभाऊ बागडे यांनी भुसवलेले आहे. अत्यंत कडक शिस्तीचे अशी ख्याती असलेले हरिभाऊ बागडे हे नेवासा तालुक्यात येत असल्याने परिसरातील नागरिकांनी तथा भक्तांनी आनंद व्यक्त केला आहे.

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.