Crime News : जुन्नर तालुक्यातील वारूळवाडी येथे पती पत्नीने डिंभे कालव्यात उडी मारून आत्महत्या केली. चिराग आणि पल्लवी शेळके असे त्यांचे नाव असून त्यांचे मृतदेह आढळले आहेत. आत्महत्येचे कारण स्पष्ट झालेले नाही. पोलिस या प्रकरणाचा तपास करत आहेत. या घटनेने मोठी खळबळ निर्माण झालीये.
जुन्नर तालुक्यातील वारुळवाडी ग्रामपंचायत हद्दीत डिंभे कालव्याच्या वाहत्या पाण्यात पती पत्नीने उडी मारून आत्महत्या केल्याने मोठी खळबळ निर्माण झाली. चिराग चंद्रशेखर शेळके (वय 28) आणि त्याची पत्नी पल्लवी चिराग शेळके (वय 25) अशी आत्महत्या केलेल्या पती पत्नीचे नाव असून दोघांचेही मृतदेह सापडले आहेत. त्यांच्या आत्महत्येचे कारण अद्याप समोर आलेले नाही. बुधवारी सायंकाळी साडेपाचच्या सुमारस ही घटना घडली.(Crime News )

याबाबत पोलिसांनी दिलेली माहिती अशी की, नव वर्षांच्या पहिल्याच दिवशी वारुळवाडी येथे राहत असलेले चिराग शेळके व त्याची पत्नी पल्लवी शेळके हे बुधवारी सायंकाळच्या सुमारास नारायणगाव परिसरातील वारुळवाडी हद्दीतून जाणाऱ्या डिंभे डाव्या कालवा परिसरात फिरण्यासाठी आपल्या गाडीवरून आले होते. त्यावेळी डिंभे कालव्याला पाण्याचा विसर्ग सोडला होता. त्या दोघांनी आपली गाडी कालव्याच्या बाजूला लावली आणि त्यानंतर वाहत्या पाण्यात उड्या मारल्या.
हैराण करणारे म्हणजे दोघांना कालव्यात उड्या मारताना काही लोकांनी बघितले देखील. कालव्यात पाण्याचा विसर्ग जास्त होता. धक्कादायक म्हणजे चिराग आणि पल्लवी यांचे नुकतेच आठ महिन्यापूर्वीच लग्न झालेले होते. ते दोघे पुण्यात कामाला होते. मात्र, कामानिमित्त ते गावी आले होते. त्यांनी आत्महत्या केल्याने एकच खळबळ उडाली आहे. त्याच्या आत्महत्येचे कारण अद्याप अस्पष्ट आहे. दोघांनी आत्महत्या नेमकी का केली, याचा शोध घेतला जातोय. याप्रकरणी पोलिस हे पुढील तपास करत आहेत. दोघांच्या आत्महत्येनंतर त्यांच्या कुटुंबियांना देखील मोठा धक्का बसला आहे.

बुधवारी सायंकाळी आत्महत्या केलेल्या दोघांपैकी एकाचा मृतदेह रात्री सापडला तर दुसरा मृतदेह पहाटेच्या सुमारास सापडला आहे. नवीन वर्षाच्या पहिल्याच दिवशी ही घटना घडल्याने नागरिकांनातून हळहळ व्यक्त करण्यात येत आहे. आता त्यांच्या आत्महत्येचे कारण लवकरच समोर येण्याची शक्यता आहे. पोलिस याप्रकरणी तपास करत आहेत. दोघांनी आत्महत्येसारखे इतके मोठे पाऊल का उचलले याचा शोध हा घेतला जातोय.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.



कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.