ताज्या बातम्या

195871+

आम्ही नेवासकर न्युजची एकूण वाचक संख्या

Horoscope Today

Horoscope Today : शनिवार १७ फेब्रुवारी २०२४

Horoscope Today 17 February 2024 : राशीभविष्यानुसार, आज म्हणजेच 17 फेब्रुवारी 2024, शनिवार हा महत्त्वाचा दिवस आहे. ग्रहांच्या चालीनुसार, मिथुन राशीच्या लोकांना आज आपल्या व्यवसायाकडे विशेष लक्ष द्यावं लागेल. कन्या राशीच्या लोकांवर आज कामाचा ताण खूप वाढू शकतो. सर्व राशीच्या लोकांसाठी शुक्रवार कसा राहील? सर्व 12 राशींचे आजचे राशीभविष्य जाणून घ्या

मेष (Aries Horoscope Mesh Rashi Today)

तुमचा आजचा दिवस चांगला जाईल. नोकरदार लोक आज तुटपुंज्या पगारामुळे थोडे काळजीत असतील, तुम्ही पगारवाढीसाठी वरिष्ठांशी बोलू शकतात. एकापेक्षा अधिक व्यवसाय चालवणाऱ्या लोकांना आज थोडी काळजी घ्यावी लागेल. तुम्ही भागीदारीत व्यवसाय करत असाल तर तुम्हाला तुमच्या भागीदारावर बारीक नजर ठेवावी लागेल, अन्यथा तो असं काही करेल ज्याचा फटका तुम्हाला बसू शकतो. तरुणांनी काल्पनिक गोष्टी सत्यात उतरवल्या पाहिजे, नाहीतर तुमचा वेळ वाया जाईल. आज तुम्ही आईवडिलांना वेळ द्या, त्यांचा एकटेपणा आणि दुःखही दूर करण्याचा प्रयत्न करा. तुम्ही दारु, सिगारेटपासून लांब राहा, अन्यथा गंभीर आजार उद्भवू शकतात.

वृषभ (Taurus Horoscope Vrushabh Rashi Today)

तुमचा आजचा दिवस साधारण असेल. नोकरी करणाऱ्यांनी आज ऑफिसमधील कुणावरही विश्वास ठेवू नये, कोणतीही व्यक्ती तुमचा कधीही विश्वासघात करू शकते. व्यवसाय करणाऱ्यांनी त्यांच्या व्यवसायात थोडं सावध असलं पाहिजे. कोणत्याही अनोळखी व्यक्तीवर जास्त विश्वास ठेवू नका, अन्यथा तुमची फसवणूक होऊ शकते आणि तुम्हाला व्यवसायात नुकसान सहन करावं लागू शकतं, ज्यामुळे तुम्ही आर्थिक संकटात जाऊ शकता. विद्यार्थ्यांनी परीक्षेची तयारी सुरू केली पाहिजे, तरच चांगलं यश मिळेल. महिलांनी आज घरातल्या कामासोबत बाहेरच्या जबाबदाऱ्याही सांभाळल्या पाहिजे. तुम्ही तुमच्या तब्येतीची खूप काळजी घेतली पाहिजे, अन्यथा तुम्ही अचानक आजारी पडू शकता.

मिथुन (Gemini Horoscope Mitun Rashi Today)

तुमचा आजचा दिवस ठिक-ठाक असेल. नोकरी करणारे आज ऑफिसमध्ये अथक परिश्रम करतील. हॉटेल व्यावसायिकांना स्वच्छतेकडे विशेष लक्ष द्यावं लागेल, अन्यथा तुमचे ग्राहक तुमच्या हॉटेल किंवा ढाब्यावरून परत जातील. आज जर तुमच्या आई-वडिलांची तब्येत ठीक नसेल तर त्यांना घरी उपचार करण्याऐवजी डॉक्टरांकडे घेऊन जा, अन्यथा त्यांचा आजार वाढू शकतो. करण्यासाठी. आज कोणतेही थंड पदार्थ खाणं टाळा, नाहीतर तुम्ही आजारी पडू शकता.

कर्क (Cancer Horoscope Karka Rashi Today)

तुमचा आजचा दिवस सामान्य असेल. ऑफिसमध्ये तुम्ही कामावर लक्ष केंद्रित केलं तर ते तुमच्यासाठी फायदेशीर ठरेल, यामुळे तुमचे वरिष्ठ तुमच्यावर खुश होतील. अन्यथा, तुम्ही कोणत्या तरी अडचणीत याल आणि तुमचा वादही होऊ शकतो. व्यवसायिकांसाठी आजचा दिवस खूप चांगला असेल. तुमच्या व्यवसायात तुम्हाला आर्थिक लाभ मिळू शकतो. जर तुम्हाला शेअर मार्केटमध्ये पैसे गुंतवायचे असतील तर तुम्हाला त्यातही नफा मिळेल. आज तुमचा इतर लोकांपेक्षा स्वतःवर जास्त विश्वास असेल, त्यामुळे तुम्ही तुमची सर्व कामं पूर्ण करू शकाल. आरोग्याच्या समस्या टाळण्यासाठी तुम्ही कॅल्शियम-प्रोटीनयुक्त पदार्थ खावेत. 

सिंह (Leo Horoscope Sinha Rashi Today)

तुमचा आजचा दिवस चांगला जाईल. नोकरी करणारे आज ऑफिसमध्ये पूर्ण निष्ठेने आणि प्रामाणिकपणाने काम करतील, याचा फायदा त्यांना भविष्यात होईल. तुमच्या पगारात वाढ होऊ शकते किंवा तुम्हाला वरची पोस्ट मिळू शकते. व्यावसायिकांना व्यवसाय वाढवण्यासाठी चांगला भागीदार मिळेल, पण तुम्ही तुमचा व्यवसाय स्वतः हाताळला तर ते तुमच्यासाठी चांगलं राहील. तरुण आज गोंधळलेले असतील, त्यावर ते मित्रांशी चर्चा करू शकतात. आज तुमची कौटुंबिक परिस्थिती खूप चांगली असेल. तुम्ही तुमच्या कुटुंबासोबत चांगला वेळ घालवाल, यामुळे तुमच्या मनालाही खूप शांती मिळेल. तुमच्या आरोग्याविषयी सांगायचं तर, तुम्ही जास्त मिरच्या आणि मसाले असलेले पदार्थ खाणं टाळावं, अन्यथा आजार वाढू शकतात.

कन्या (Virgo Horoscope Kanya Today)

आजचा तुमचा दिवस उत्तम असेल. नोकरदारांवर आज कामाचा भार वाढू शकतो. कामाचा ताण वाढल्यामुळे तुम्हाला डोकेदुखी जाणवेल. परंतु लवकरच तुम्हाला बढती देखील मिळू शकते, ज्यामुळे तुमचं आर्थिक उत्पन्न देखील वाढेल. व्यावसायिकांनी आज व्यवसायात नुकसान सहन करावं लागेल. तरुण आज आळशीपणाचे बळी ठरतील, पण तुमच्या जीवनात यश मिळवण्यासाठी तुम्ही आळस सोडून कठोर परिश्रम केले पाहिजे. आज तुमच्या घरातील वातावरण खूप आनंदी असेल. तुमचं शरीर निरोगी ठेवण्यासाठी तुम्ही घरातील जेवण जेवलं पाहिजे, तरच तुमचं शरीर निरोगी राहील. 

तूळ (Libra Horoscope Tula Rashi Today)

आज तुमचा दिवस सन्मानाचा असेल. तुम्ही नवीन नोकरीला लागला असाल तर तिथे व्यवस्थित काम करा, काम अपूर्ण ठेऊ नका. व्यावसायिकांना त्यांच्या कामाबरोबरच सामाजिक कार्यातही योगदान दिल्याने त्यांचा मान-सन्मान वाढेल. विद्यार्थी ज्या विषयात कमी पडतात, त्या विषयाची शिकवणी लाऊ शकतात. आज तुमच्या जोडीदारासोबत काही छोट्या गोष्टीवरून तुमचा मोठा वाद होऊ शकतो. आज तुम्ही विश्वासू लोकांसोबतच राहा. आज तुमच्या पालकांच्या तब्येतीची काळजी घ्या, पोटाशी संबंधित समस्येमुळे ते त्रस्त असू शकतात.  

वृश्चिक (Scorpio Horoscope Vruschik Rashi Today)

तुमचा आजचा दिवस साधारण असेल. जे लोक टार्गेट बेसवर काम करतात त्यांनी त्यांचं टार्गेट वेळेत पूर्ण करण्यावर जास्त भर दिला पाहिजे, तरच त्यांचा पगार वाढू शकेल. व्यापारी वर्गाने रागाच्या भरात कोणतंही चुकीचं काम करू नये, धूर्त आणि हुशार लोक लोभ दाखवून तुमचं नुकसान करण्याचा प्रयत्न करू शकतात. विद्यार्थ्यांनी शाळेत शिस्त मोडल्यास त्यांना शाळेकडून कठोर शिक्षा होऊ शकते. महिलांबद्दल बोलायचं तर, आज स्त्रिया आपलं फ्रेंड सर्कल थोडं वाढवू शकतात. आज रस्ता ओलांडताना काळजी घ्या, अन्यथा अपघात होऊ शकतो.

Horoscope Today

धनु (Sagittarius Horoscope Dhanu Rashi Today)

तुमचा आजचा दिवस चांगला जाईल. ऑफिसमध्ये काम करताना वेळेचं भान ठेवू नका, घरी परतण्याची घाई केल्यास वरिष्ठांच्या नाराजीला सामोरं जावं लागू शकतं. आज व्यावसायिकांना चांगला नफा मिळू शकतो. विद्यार्थ्यांना अभ्यासात रस नसेल तर त्यांनी सकाळी लवकर उठून देवाची पूजा करावी आणि आपल्या दिनचर्येत बदल करावा. आज तुम्ही तुमच्या मुलाच्या वागणुकीबद्दल थोडेसे चिंतेत असाल, तुमच्या मुलाचे विचार समजून घेण्याचा प्रयत्न करा आणि त्याच्या समस्या सोडवण्याचा प्रयत्न करा. आज तुम्हाला किरकोळ दुखापत होण्याची शक्यता आहे, त्यामुळे थोडी काळजी घ्या.

मकर (Capricorn Horoscope Makar Rashi Today)

आज तुम्ही थोडं सावध राहावं. ऑफिसमधील कामाचा जास्त ताण जाणवला तर आज थोडा ब्रेक घ्या. व्यावसायिकांना आज व्यवसायात चांगला नफा मिळू शकतो. तुम्ही तुमच्या मित्रांवर विश्वास ठेवा, कोणत्याही छोट्या कारणामुळे तुमची मैत्री तोडण्याचा प्रयत्न करू नका. ही तुमची मोठी चूक असेल. घरातील महत्त्वाच्या वस्तू अतिशय सुरक्षित ठेवा, जेणेकरून गरजेच्या वेळी त्या तुम्हाला त्वरित उपलब्ध होऊ शकतील. जर तुम्ही मादक पदार्थाचं सेवन करत असाल तर तुम्ही तुमच्या आरोग्याची देखील काळजी घेतली पाहिजे.

कुंभ (Aquarius Horoscope Kumbha Rashi Today)

आज तुमची तब्येत ठीक नसेल तर तुम्ही ऑफिसचं काम घरबसल्या ऑनलाईन पूर्ण केलं तर ते तुमच्यासाठी चांगलं राहील. तुम्हाला आराम मिळेल आणि तुमचं ऑफिसचं कामही पूर्ण होईल. व्यावसायिक आज न्यायालयीन प्रकरणात अडकू शकतात, त्यामुळे त्यांना अडचणींना सामोरं जावं लागू शकतं. तरुणांनी आज त्यांच्या मित्रांशी चांगलं वागलं पाहिजे. घरातील वडीलधाऱ्यांचा आशीर्वाद मिळवण्यासाठी मनापासून त्यांची सेवा करा, त्यांच्या आशीर्वादाने तुमची सर्व कामं पूर्ण होऊ शकतात. आज थंडीमुळे तुमची तब्येत बिघडू शकते.

मीन (Pisces Horoscope Meen Rashi Today)

नोकरी करणाऱ्यांना आज सहकाऱ्यांसोबतचे वाद विसरून पुढे जावं लागेल, सर्व वाद विसरून सहकार्याने काम केलं तरच तुमचं काम लवकर पूर्ण होईल. व्यवसायिकांना व्यवसायासाठी प्रवास करावा लागू शकतो, प्रवासापूर्वी व्यवसायाशी संबंधित महत्त्वाची कागदपत्रं सोबत ठेवण्यास विसरू नका. विद्यार्थ्यांनी चुकीच्या मित्रांच्या संगतीपासून दूर राहा. तुमचं मन अभ्यासातूनही विचलित होऊ शकते, ज्यामुळे तुमचं करिअर खराब होऊ शकतं. आज कोणत्याही प्रकारच्या कौटुंबिक भांडणापासून दूर राहिलं पाहिजे. आज तुम्हाला सर्दी, खोकला आणि श्वास घेण्यास त्रास होऊ शकतो. घराबाहेर पडताना मास्क अवश्य वापरा, अन्यथा तुमचा आजार वाढू शकतो.

Horoscope Today
Horoscope Today

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

Horoscope Today
Horoscope Today

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.

Horoscope Today
Share the Post:
error: Content is protected !!