नेवासा : संभाजीनगर-अहिल्यानगर महामार्गावर असलेल्या नेवासा फाट्यावर ३० खाटांचे ग्रामीण रुग्णालय अपुरे पडत आहे. या ठिकाणी १०० खाटांचे अत्याधुनिक उपजिल्हा रुग्णालय सुरू करावे, अशी मागणी विधानसभेच्या पावसाळी अधिवेशनात आ. विठ्ठलराव लंघे यांनी बुधवारी (दि. ९) केली. तसेच १०८ रुग्णवाहिकेच्या सुविधांच्या अभावाकडेही आ. लंबेंनी लक्ष वेधले आहे.
संभाजीनगर-अहिल्यानगर महामार्गावर नेवासा फाटा (मुकिंदपूर) येथे पूर्वी असलेले ग्रामीण रुग्णालय ३० खाटांचे आहे.दिवसेंदिवस महामार्गावर अपघातांचे प्रमाण वाढत आहे. या हायवेवर बिडकीन, शेंद्रा व वाळुंज या औद्योगिक वसाहती असल्यामुळे वाहनांची मोठ्या प्रमाणात गर्दी असते. त्यामुळे अपघातही वाढत आहेत. अत्यावश्यक वेळी रुग्णांना तातडीच्या सुख सुविधा मिळत नाही.
हे रुग्णालय अपुरे पडत आहे. तसेच नेवासा फाट्यापासून अहिल्यानगर व संभाजीनगर दोन्हींचे अंतर सारखेच (५५ किलोमीटर) आहे. येथील रुग्णालयातील सुविधा अपुऱ्या असतानाच १०८ रुग्णवाहिकांतही तातडीच्या अत्यावश्यक सुविधांचा अभाव जाणवत आहे. महामार्गावर रात्रीच्या वेळी अपघात झाला, तर १०८ रुग्णवाहिकेत डॉक्टर उपलब्ध असणे गरजेचे आहे.
या रुग्णवाहिकांकडून संबंधितांना प्रतिसाद मिळत नाही. नेवासा फाट्यावर सर्व सुखसुविधा असलेल्या शंभर खाटांचे रुग्णालय असणे गरजेचे झाले आहे. यासाठी प्रयत्न व्हावेत. अशी मागणी आमदार विठ्ठलराव लंघे यांनी पावसाळी अधिवेशनात उपस्थित करून मंत्र्यांचे लक्ष वेधले. यामध्ये गांभीर्याने लक्ष घालण्याचे आश्वासन या वेळी आ. लंघेना देण्यात आले.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
