नेवासा – कुकडी सहकारी साखर कारखान्याकडून 2023-24 च्या गळीत हंगामातील ऊसाचे पैसे न मिळाल्याने शेतकरी हवालदिल झाले असून, आता शेतीच्या कामासाठीही त्यांच्याकडे पैसे उरलेले नाहीत. वारंवार पाठपुरावा करूनही कारखान्याने केवळ आश्वासनांची उधळण केली असून याविरोधात १५ ऑगस्ट २०२५ पासून नेवासा तहसील कार्यालयासमोर अमरण उपोषण करण्याचा इशारा काही शेतकऱ्यांनी दिला आहे.

शेतकरी संजय नागोडे, लक्ष्मीबाई नागोडे आणि मच्छीद्र गवळी यांनी प्रादेशिक सहसंचालक (साखर) यांना सादर केलेल्या निवेदनात म्हटले आहे की, कारखान्याकडून ₹२८०० प्रति टन दर कबूल करूनही त्यांचा ऊस बिल दोन वर्षांपासून थकवण्यात आले आहे. काही शेतकऱ्यांना पेमेंट दिले गेले, मात्र आमच्याकडे सातत्याने फक्त आश्वासनेच मिळाली आहेत, असा आरोप निवेदनात करण्यात आला आहे.

या शेतकऱ्यांनी ७ जुलै २०२५ रोजी उपोषणासाठी अर्ज केला होता, त्यावर कारखान्याच्या कार्यकारी संचालकांनी ४ ऑगस्ट रोजी पैसे देण्याचे आश्वासन दिले. मात्र त्यानंतरही काहीही न झाल्याने आता ही टोकाची भू घेण्यात येत असल्याचे सांगण्यात आले आहे.

ऊसाचे पैसे मिळत नसल्याने चालू खरीप हंगामातील पिकांवर खते व कीडनाशके टाकता येत नसल्याने उत्पादनावर विपरित परिणाम होण्याची शक्यता निर्माण झाली आहे. त्यामुळे प्रशासनाने या प्रकरणी तात्काळ हस्तक्षेप करून शेतकऱ्यांना ऊसाचे थकित पैसे मिळवून द्यावेत, अशी मागणी जोर धरू लागली आहे.

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.