नेवासा (बेलपिंपळगाव) : बचत गटांच्या महिलांसाठी सर्वतोपरी मदत केली जाईल, तसेच बेलपिंपळगाव येथे राष्ट्रीय बँक सुरू करण्यासाठी आमदार विठ्ठलराव लंघे पाटील यांना साकडे घालू, असे स्पष्ट मत श्रीमती रत्नमाला विठ्ठलराव लंघे पाटील यांनी व्यक्त केले. त्या उमेद अभियानांतर्गत आयोजित महिला बचत गट मेळाव्या प्रसंगी बोलत होत्या.

बेलपिंपळगाव, घोगरगाव, जैनपूर, बेलपांढरी येथील शेकडो महिला मोठ्या संख्येने या मेळाव्यास उपस्थित होत्या.
नेवासा शहरातील दिवंगत मयुर रासने यांच्या परिवारास सामूहिक श्रद्धांजली यावेळी अर्पण करण्यात आली.

बचत गट मेळाव्याच्या अध्यक्षस्थानी भारतीय जनता पार्टी महिला आघाडीच्या तालुकाध्यक्ष श्रीमती भरतीताई बेद्रे होत्या.
हा मेळावा नवसाला पावणारा रोकडोबा हनुमान देवस्थानसमोरील श्रीराम सभामंडपात पार पडला.

बेलपिंपळगाव हे नेवासा तालुक्यातील जिल्हा परिषद गटाचे गाव असून, अनेक सामाजिक व क्रांतिकारी चळवळींचा इतिहास लाभलेले गाव आहे. याच गावात महिला बचत गटांच्या सक्षमीकरणासाठी विविध उपक्रम राबवले जात आहेत.

मुख्यमंत्री दीडशे दिवस कार्यक्रमाच्या पार्श्वभूमीवर, बेलपिंपळगाव प्रभागात महिला बचत गटांचा हा विशेष मेळावा घेण्यात आला.

प्रमुख उपस्थित मान्यवर:

• श्रीमती रत्नमालाताई विठ्ठलराव लंघे पाटील
• श्रीमती भरतीताई बेद्रे (तालुकाध्यक्ष, भाजप महिला आघाडी)
• श्रीमती भरतीताई कर्डक
• श्रीमती सुषमाताई साठे

यावेळी श्रीमती रत्नमालाताईंनी महिला सक्षमीकरण, बचत गटांचे उद्योग व्यवसाय, रोजगार निर्मिती व सरकारी योजनांची माहिती देऊन महिलांना प्रेरणा दिली.
त्यांनी सांगितले की, “महिलांना सर्व प्रकारची मदत व मार्गदर्शन दिले जाईल. उमेद अभियान महिलांना स्वावलंबी बनवण्यासाठी महत्त्वाचे कार्य करत आहे.”

• सरपंच किशोर गारुळे यांच्या वाढदिवसानिमित्त त्यांचा विशेष सत्कार करण्यात आला.
• कार्यक्रमाचे नियोजन : गणेश चौगुले सर, कुणाल बोरुडे, चंद्रकांत सरोदे, महेश शेरकर, निलेश कांगुणे, राहुल शिंदे इत्यादींनी केले.
• श्री केशव गायकवाड (प्रभाग समन्वयक) यांनी उमेद अभियानांतर्गत मिळणाऱ्या लाभांची सविस्तर माहिती दिली.

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.