नेवासा फाटा – त्रिमुर्ती पावन प्रतिष्ठान संचलित, त्रिमूर्ती ग्रामीण फार्मसी कॉलेजने ‘जागतिक फार्मासिस्ट दिन २०२५’ अत्यंत उत्साहाने, आनंद आणि अभिमानाने साजरा केला. “फार्मसिस्ट-आरोग्याचे आधारस्तंभ” या महत्त्वपूर्ण घोषवाक्याला अनुसरून आयोजित करण्यात आलेल्या या विशेष कार्यक्रमातून, आरोग्य सेवा क्षेत्रात फार्मासिस्ट व्यावसायिकांची असलेली अत्यंत महत्त्वाची व अनन्यसाधारण भूमिका प्रभावीपणे अधोरेखित झाली. आरोग्यसेवेतील फार्मासिस्टची भूमिका
या दिनानिमित्त आयोजित कार्यक्रमात विविध माहितीपूर्ण व्याख्याने आणि विचारप्रवर्तक सत्रांचे आयोजन करण्यात आले होते. या सत्रांमध्ये फार्मासिस्ट हे केवळ औषध वितरक नसून ते रुग्णांच्या औषधोपचार व्यवस्थापनात, आरोग्य शिक्षण आणि प्रतिबंधात्मक उपायांमध्ये कसे ‘आरोग्याचे आधारस्तंभ’ ठरतात, यावर भर देण्यात आला.
या समारंभाला मुख्य अतिथी म्हणून सौ.मनीषा घाडगेपाटील, तसेच डॉ.अनुराधा गोरे, डॉ.चांगदेव अर्सुळे, तर विशेष अतिथी म्हणून डॉ.संध्या भांगळे या मान्यवरांची प्रमुख उपस्थिती होती.
फार्मसीच्या प्राचार्या डॉ.हर्षाली आनप यांच्या मार्गदर्शनाखाली, विभागप्रमुख प्रा.कृष्णा डमाळे आणि सर्व प्राध्यापकवर्गाने कार्यक्रमाचे यशस्वी आयोजन केले. प्रतिष्ठानच्या अध्यक्षा ॲड.सुमती घाडगेपाटील, उपाध्यक्षा ॲड.स्नेहल घाडघेपाटील, सचिव श्री.मनीष घाडगेपाटील तसेच संयुक्त सचिव डॉ.श्रुती आम्लेपाटील या सर्वांच्या सततच्या प्रेरणा, मार्गदर्शन आणि पाठबळामुळे हा कार्यक्रम अधिक अर्थपूर्ण व यशस्वी झाला, असे आयोजकांनी नमूद केले. कु.जान्हवी म्हास्लेकर आणि कु.श्रावणी डोके यांनी प्रभावी सूत्रसंचालन केले.
या निमित्ताने, फार्मसी या व्यवसायाच्या कार्याची कदर करून समाजातील आरोग्यवृद्धीसाठी आपली जबाबदारी ओळखली पाहिजे, हा महत्त्वाचा संदेश या कार्यक्रमातून दृढ करण्यात आला.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
