नेवासा – सोनई वांबोरी रस्त्यावर मुळा उजव्या कालव्याच्या पुढे असलेल्या व धनगरवाडी शिवारातील तांबे वस्तीवर बिबट्याने दूध घेऊन जाणाऱ्या वामन मारुती तांबे यांच्यावर हल्ला करण्याचा प्रयत्न केला. यामुळे परिसरातील नागरिक भयभीत झाले. त्यामुळे दूध डेअरीला घालण्यासाठी जाण्यास नागरिक घाबरू लागले आहे.
गेल्या आठवड्यामध्ये मुळा कारखाना परिसरातील जनार्धन कुसळकर यांच्या शेतामधील कापूस वेचणी करताना बिबट्याने डरकाळी फोडल्यामुळे कापूस वेचणीसाठी जाणारे मजूर सुद्धा घाबरू लागले आहेत. वनविभागाने तांबे वस्ती व आसपासच्या परिसरात बिबट्याची संख्या जास्त असल्याने या ठिकाणी पिंजरा लावण्याची मागणी करण्यात येत आहे.
सोनई परिसरामध्ये बिबट्याची संख्या जास्त असल्याने रोज कुठे ना कुठे बिबट्याचे दर्शन होत आहे. त्यामुळे वाड्या-वस्तीवर राहणारे नागरिक भयभीत असून शेतीचे कामे करण्यास सुद्धा येथील रहिवासी घाबरत आहे. या परिसरामध्ये उसाचे क्षेत्र जास्त असल्याने बिबट्यांना लपण्यास जागा आहे. या भागातील बिबट्याला पिंजऱ्यामध्ये बंद करून जंगलात सोडण्याचे मागणी परिसरातील शेतकऱ्यांनी केली आहे. कपाशी पिकात बिबट्या दिसला असल्याने ही वार्ता पसरल्याने कापूस वेचणीसाठी मजूर मिळेनात.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
