सोनई – यशवंत सामाजिक प्रतिष्ठानच्या वतीने देण्यात येणाऱ्या व प्रतिष्ठेच्या समजल्या जाणाऱ्या यंदाचे कृतज्ञता पुरस्कार संपादक राजीव खांडेकर, डॉ संदीप वासलेकर,प्रा डॉ रंगनाथ पठारे यांना जाहीर झाले आहेत. शनी दि.31 जानेवारी रोजी सायंकाळी 4 वाजता या पुरस्कारांचे वितरण करण्यात येणार असल्याची माहिती यशवंत सामाजिक प्रतिष्ठानचे मार्गदर्शक माजी मंत्री शंकरराव गडाख पाटील यांनी दिली आहे.
राज्यातील सामाजिक क्षेत्रात रचनात्मक कार्य करणाऱ्या सामाजिक कार्यकर्त्यांना यशवंत सामाजिक प्रतिष्ठानच्या वतीने दरवर्षी कृतज्ञता पुरस्कार देऊन सन्मानित करण्यात येते. राज्यातील मोजक्याच प्रतिष्ठेच्या पुरस्कारांमध्ये याचा समावेश होतो. सोनई येथील मुळा पब्लिक स्कूलच्या प्रांगणात ज्येष्ठ साहित्यिक मा खासदार यशवंतराव गडाख पाटोल यांच्या अध्यक्षतेखाली पुरस्कार वितरणाचा सोहळा संपन्न होणार आहे.
कृतज्ञता पुरस्काराचे मानकरी.
राजीव खांडेकर हे भारतातील एक प्रख्यात मराठी पत्रकार, संपादक आणि मीडिया स्ट्रॅटेजिस्ट आहेत, विशेषतः एबीपी माझा आणि एबीपी न्यूज या न्यूज नेटवर्कशी संलग्न म्हणून त्यांची ओळख आहे.
ते एक अनुभवी पत्रकार आणि मीडिया लीडर आहेत ज्यांनी आपल्या पत्रकारितेतील कारकिर्दीत अनेक महत्त्वाची विषय कव्हर केली आहेत.
त्यांनी मराठी दैनिके आणि इलेक्ट्रॉनिक मीडिया मध्ये काम केलं आहे पत्रकारितेत सुमारे 30 वर्षांचा त्यांना अनुभव आहे.
पत्रकारितेत
त्यांनी राजकीय विश्लेषण, सामाजिक समस्या, आणि महाराष्ट्रातील विविध घडामोडींवर विशेष कार्यक्रम आणि रिपोर्ट्स केले आहेत.
विविध वृत्तपत्र इतर माध्यमांत त्यांच्या मतांचे लेख आणि चर्चा प्रकाशित झाल्या आहेत ज्यात ते माध्यमांची भाषा, जबाबदारी आणि सामाजिक भूमिका यावर भाष्य करतात.
त्यांच्या पत्रकारितेच्या योगदानासाठी त्यांना विविध पुरस्कारांनी सन्मानित देखील करण्यात आले आहे.
ते पत्रकारिता, संपादन, आणि संपादकीय धोरण या क्षेत्रात दीर्घकाळ काम करत आहेत आणि मुंबईसह महाराष्ट्रातील मीडिया परिदृश्यावर त्यांचा महत्त्वाचा प्रभाव आहे.
डॉ संदीप वासलेकर .
हे एक आंतरराष्ट्रीय विचारवंत, लेखक आणि सार्वजनिक धोरणांचे विश्लेषक आहेत. ते Strategic Foresight Group या मुंबईस्थित थिंक-टँकचे अध्यक्ष आहेत, जे जगभरातील सरकार आणि संस्था यांच्यासोबत धोरणात्मक संवाद आणि समाधान-निर्मितीवर काम करते तसेच
जागतिक शांतता, संघर्ष निराकरण, शासन आणि भविष्यातील धोरण अभ्यास यावर कार्य करते.
त्यांनी तत्वज्ञान , राजकारण व अर्थशास्त्र मध्ये शिक्षण ऑक्सफर्ड विद्यापीठातून घेतले आहे तसेच
मुंबई विद्यापीठातून एम कॉम पूर्ण केले आहे.
2011 मध्ये त्यांना डॉक्टर ऑफ लिटरेचर ही मानद पदवी प्राप्त झालेली आहे.
त्यांनी पाण्याच्या द्विपक्षीय समस्यांसाठी ब्लु पिस फ्रेमवर्क विकसित केला आहे, ज्याचे उद्दिष्ट पाण्याच्या संसाधनांसह शांतता आणि सहकार्य वाढवणे आहे.
त्यांच्या अहवालांना यूकेच्या संसदेत आणि संयुक्त राष्ट्र सुरक्षा परिषदेतील चर्चेत संदर्भ म्हणून वापरले गेले आहे.
त्यांनी शांती, संघर्ष निवारण, जागतिक धोरण आणि भविष्यातील वाढत्या जोखमींवर जगभरात व्याख्याने आणि संवाद कार्यक्रम केले आहेत.
त्यांच्या लेखांची विविध पुस्तके जागतिक वाचकांमध्ये प्रसिद्ध आहेत.
त्यांनी मराठीतही एका दिशेचा शोध सारखी लोकप्रिय पुस्तके लिहिली आहेत.
संदीप वासलेकर यांना 2022 मध्ये सोनी मराठीवरील ‘कोण होणार करोडपती’ या कार्यक्रमात विशेष पाहुणे म्हणून सहभागी होण्यासाठी आमंत्रित करण्यात आले होते, जिथे त्यांनी विचार, शांतता आणि सामाजिक विषयांवर चर्चा केली होती.
रंगनाथ पठारे हे साहित्यिक, लेखक आणि पत्रकार आहेत. त्यांच्या कथा, कादंबऱ्या आणि लेखनातून सामाजिक-सांस्कृतिक विषयांचे प्रभावी विश्लेषण त्यांनी केले आहे.
प्रा. डॉ. रंगनाथ पठारे यांची मराठी भाषेला अभिजात दर्जा देण्यामध्ये
राज्य सरकारच्या अभिजात मराठी भाषा समितीचे प्रमुख म्हणून नियुक्ती करण्यात आली होती. त्यांनी या समितीचे अध्यक्ष म्हणून मराठी भाषेला अभिजात भाषेचा दर्जा मिळविण्यासाठी अहवाल तयार करण्यात महत्त्वाची भूमिका बजावली. या समितीत साहित्यिक व विषयतज्ञांचा समावेश होता.
प्रा. डॉ. रंगनाथ पठारे यांना विंदा करंदीकर जीवनगौरव पुरस्कार मिळाला, जो मराठी साहित्य क्षेत्रातील एक प्रतिष्ठित जीवनगौरव पुरस्कार आहे
याशिवाय, महाराष्ट्र फाउंडेशन तर्फे देण्यात आलेल्या साहित्य जीवनगौरव पुरस्कारने त्यांचा सन्मान झाला आहे.
प्रा. डॉ. रंगनाथ पठारे हे साहित्य, भाषा व संस्कृती या क्षेत्रात केवळ लेखनापुरते मर्यादित न राहता सार्वजनिक आणि शैक्षणिक कर्मठतेसह योगदान देणारे व्यक्तिमत्व मानले जातात.
विविध क्षेत्रात योगदान देणाऱ्या अशा मान्यवरांच्या आयुष्याचा प्रवास हा जिद्दीचा व सातत्याचा असतो म्हणूनच तरुणांनी,नागरिकांनी अधिकाधिक संख्येने या कार्यक्रमाचा लाभ व प्रेरणा घ्यावी असे आवाहन यशवंत सामाजिक प्रतिष्ठानचे मार्गदर्शक मा मंत्री शंकरराव गडाख यांनी केले आहे.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
