नेवासा – श्री संत ज्ञानेश्वर महाराज संस्थान, श्री क्षेत्र नेवासा येथे कार्यरत असलेल्या माऊली गोशाळेस कैलासवासी गंगा भागीरथी लक्ष्मीबाई बबनदास बैरागी यांच्या स्मृतिप्रीत्यर्थ सहिवाल जातीची गाय गोदान करण्यात आली. हा गोदान उपक्रम प्रोफेसर डॉ. विजयकांत बबनदास बैरागी व संजय बबनदास बैरागी यांच्या वतीने पार पडला.
गुरुवर्य वेदांताचार्य देविदास बाबा म्हस्के यांच्या मार्गदर्शनाखाली सुरू असलेल्या माऊली गोशाळेस बैरागी परिवाराने भेट देत गोदान उपक्रमात सहभाग नोंदविला. गोसंवर्धन व भारतीय संस्कृतीचे जतन यासाठी अशा उपक्रमांचे महत्त्व अधोरेखित करण्यात आले.
या प्रसंगी संस्थानचे महंत वेदांताचार्य देविदास बाबा म्हस्के यांनी बैरागी परिवाराच्या सामाजिक व धार्मिक जाणिवेचे कौतुक केले. गोसेवा ही केवळ धार्मिक कर्तव्य नसून पर्यावरण, आरोग्य व संस्कृतीच्या संवर्धनासाठी अत्यंत उपयुक्त असल्याचे त्यांनी नमूद केले.
या उपक्रमामुळे माऊली गोशाळेच्या कार्यास बळ मिळाले असून समाजातील इतर घटकांनीही अशा सेवाभावी उपक्रमात सहभागी व्हावे, असे आवाहन संस्थेच्या वतीने करण्यात आले.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
