पाचेगाव फाटा (वार्ताहर) नेवासा तालुक्यातील पाचेगाव येथील शिवा ट्रस्टच्या शैक्षणिक संकुलात जागतिक महिला दिन अत्यंत उत्साहपूर्ण आणि प्रेरणादायी वातावरणात साजरा करण्यात आला. महिलांच्या कर्तृत्वाचा गौरव, त्यांचे समाजातील वाढते योगदान आणि विद्यार्थ्यांमध्ये महिला सक्षमीकरणाची जाणीव निर्माण करण्याच्या उद्देशाने हा कार्यक्रम आयोजित करण्यात आला होता.या कार्यक्रमाचे आयोजन शिवाजीराव पवार कॉलेज ऑफ फार्मसी, शिवांजली कॉलेज ऑफ नर्सिंग, मुळा प्रवरा कॉलेज ऑफ नर्सिंग आणि शिवाजीराव पवार आयुर्वेदिक मेडिकल कॉलेज अँड रिसर्च सेंटर यांच्या संयुक्त विद्यमाने करण्यात आले होते. कार्यक्रमाला विद्यार्थी, प्राध्यापक, कर्मचारी आणि परिसरातील मान्यवर मोठ्या संख्येने उपस्थित होते.कार्यक्रमाच्या अध्यक्षस्थानी शिवा ट्रस्टच्या व्यवस्थापकीय प्रतिनिधी सविता श्रीकांत पवार या होत्या.
प्रमुख पाहुण्या म्हणून श्रद्धा साहेबराव वैद्य (पोलीस सब-इन्स्पेक्टर, नेवासा पोलीस स्टेशन), ॲड. सौं. स्नेहल घाडगे-चव्हाण पाटील (उपाध्यक्षा, त्रिमूर्ती पवन प्रतिष्ठान) तसेच सौं. शालिनीताई संजय सुखदान (उपनगराध्यक्षा, नेवासा नगरपंचायत) या उपस्थित होत्या.कार्यक्रमाला मार्गदर्शक म्हणून शिवा ट्रस्टचे अध्यक्ष डॉ. बाळासाहेब पवार (छ. संभाजीनगर) तसेच शिवा ट्रस्टचे प्रशासकीय अधिकारी श्रीकांत पवार यांचे विशेष मार्गदर्शन लाभले.कार्यक्रमाच्या सुरुवातीला मान्यवरांच्या हस्ते दीपप्रज्वलन करून महिला शक्तीचा गौरव करण्यात आला. त्यानंतर उपस्थित पाहुण्यांचा स्मृतिचिन्ह देऊन सन्मान करण्यात आला.
यावेळी प्रमुख पाहुण्यांनी विद्यार्थ्यांना मार्गदर्शन करताना महिलांचे शिक्षण, स्वावलंबन आणि समाजातील नेतृत्वगुण यावर प्रेरणादायी विचार मांडले.
पोलीस सब-इन्स्पेक्टर श्रद्धा वैद्य यांनी आपल्या भाषणात महिलांनी निर्भयपणे पुढे येत शिक्षण आणि करिअरच्या माध्यमातून समाजात आपली स्वतंत्र ओळख निर्माण करावी, असे सांगितले.ॲड. स्नेहल घाडगे-चव्हाण पाटील यांनी महिलांचे कायदेशीर हक्क, त्यांचे संरक्षण आणि आत्मविश्वासाचे महत्त्व याबद्दल मार्गदर्शन केले.तर शालिनीताई सुखदान यांनी स्थानिक स्वराज्य संस्थांमध्ये महिलांची वाढती भूमिका आणि समाज विकासात त्यांचे योगदान यावर भाष्य केले.
पाचेगाव येथील अंगणवाडी सेविका सौ.मनीषा साळुंके सौ. सुलताना पटेल सौ. रेणुका मांजरे सौ. सविता शेळके सौ. स्वप्नाली औटी याही कार्यक्रमा साठी उपस्तीत होत्या. यांचा कौतुक सोहळा त्यांचा कामाची पोहच पावती म्हणून मा, सरपंच यांच्या मार्गदर्शनाखाली करण्यात आला
या कार्यक्रमात विविध क्षेत्रात उल्लेखनीय कामगिरी करणाऱ्या महिलांचा सन्मान करण्यात आला. त्यांच्या कार्याचा गौरव करताना उपस्थितांनी टाळ्यांच्या कडकडाटात त्यांचे स्वागत केले. महिलांच्या यशोगाथा आणि त्यांच्या संघर्षमय प्रवासाबद्दल ऐकताना विद्यार्थ्यांना मोठी प्रेरणा मिळाली.कार्यक्रमाच्या आयोजनात डॉ. मेघा साळवे (प्राचार्या, शिवाजीराव पवार कॉलेज ऑफ फार्मसी), डॉ. ज्योती निमसे (शिवाजीराव पवार आयुर्वेदिक मेडिकल कॉलेज अँड रिसर्च सेंटर) आणि प्रा. स्नेहल सोळस (शिवांजली कॉलेज ऑफ नर्सिंग) यांनी महत्त्वाची भूमिका बजावली.
तसेच प्रा. पल्लवी काळे यांनी हा कार्यक्रम यशस्वी रित्या पार पडण्यासाठी विशेष परिश्रम घेतले व त्यांच्या मार्गदर्शनाखाली कार्यक्रमाचे नियोजन उत्कृष्ट पद्धतीने पार पडले.या प्रसंगी विद्यार्थ्यांनीही महिला सक्षमीकरणावर आधारित विचार मांडले. महिलांच्या समस्या, त्यांची प्रगती, संघर्ष आणि यश यावर प्रेरणादायी व्याख्याने घेण्यात आली.
या चर्चेमुळे विद्यार्थ्यांमध्ये सामाजिक जाणिवा अधिक दृढ झाल्या.प्रेरणादायी विचार, महिलांच्या कर्तृत्वाचा गौरव आणि विद्यार्थ्यांना दिशा देणारी भाषणे यामुळे शिवा ट्रस्ट शैक्षणिक संकुलात साजरा झालेला जागतिक महिला दिनाचा कार्यक्रम अत्यंत संस्मरणीय आणि प्रेरणादायी ठरला.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
