गणेशवाडी – नेवासा तालुक्यातील वांजोळी येथे शेतीच्या वादातून पुतण्याने च सख्या चुलत्याचा खुन केला असल्याची घटना घडली आहे. पोलीस सुत्रांकडून समजलेल्या माहिती नुसार मयत व आरोपी यांचे वांजोळी येथे गट नंबर ३७१/१ मध्ये त्यांची शेती असुन त्यांचे एकमेकांना लागून बांध आहेत. याच शेती बांधाच्या कारणावरुन नेहमी वाद सुरू होते. अशातच दि. १६ रोजी भुईमुगाच्या शेतात फिर्यादी दत्तात्रय गवाजी खंडागळे वय. २२ रा. वांजोळी हे त्यांचे शेतात पाणी भरत असताना त्या ठिकाणी आरोपी पोपट उर्फ पप्पू भिकाजी खंडागळे वय. ३३ हा तेथे आला व फिर्यादी चे वडील मयत गवाजी रामकृष्ण ऊर्फ रामकिसन खंडागळे वय. ५४ यांना तुम्ही माझा बांध का कोरला असे म्हणत शिविगाळ करु लागला

तसेच लोखंडी पाईपने डोक्यावर मागील बाजूस मारुन जखमी करून जिवे ठार मारले असल्याचे दि. १६ रोजी मयत यांचे मुलाने सोनई पोलीस ठाण्यात दाखल फिर्यादी मध्ये म्हटले आहे. दाखल फिर्यादी वरुन गुन्हा र. नं. ४९६/२०२४ बिएनएस चे कलम १०३(१), ३५२ प्रमाणे गुन्हा दाखल करण्यात आला आहे. घटनेची माहिती कळताच अप्पर पोलीस अधीक्षक श्रीरामपूर , उप विभागीय पोलीस अधिकारी शेवगाव , सोनई पोलीस ठाण्याचे सहाय्यक पोलीस निरीक्षक विजय माळी, पोलीस उपनिरीक्षक सुरज मेढे यांनी तातडीने घटनास्थळी भेट देत पहाणी करत आरोपीस तातडीने ताब्यात घेण्यात आले. पुढील तपास पोलीस उपनिरीक्षक सुरज मेढे हे करत आहेत.

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.