घोडेगाव – नेवासा तालुक्यातील महालक्ष्मी हिवरे येथे बंद घराचे कुलुप तोडून चोरी झाली असल्याची घटना घडली आहे.या बाबत पोलीस सूत्रांकडून समजलेल्या माहिती नुसार दि. ९ रोजी रात्री ७.३० ते रात्री १० वाजेच्या सुमारास फिर्यादी आंबादास रघु शिरसाठ (वय.४०) रा. महालक्ष्मी हिवरे यांच्या बंद घराचे कुलुप तोडून आतील रोख रक्कम बावीस हजार व सोन्याची दागिने असा एकूण एक लाख अडुसष्ट हजार रुपयांचा ऐवज कुणीतरी अज्ञात चोरट्यांनी चोरुन नेला असल्याची फिर्याद दि. १० रोजी सोनई पोलीस ठाण्यात दाखल करण्यात आली आहे.
दाखल फिर्यादी नुसार गुन्हा र. नं. ८/२०२६ बिएन एस चे कलम ३३१(४), ३०५(अ) प्रमाणे गुन्हा दाखल करण्यात आला आहे.घटनेची माहिती कळताच शेवगाव उपविभागीय पोलीस अधिकारी निरज राजगुरू, सोनई पोलीस ठाण्याचे सहाय्यक पोलीस निरीक्षक विजय माळी, पोलीस उपनिरीक्षक सुरज मेढे यांनी घटना स्थळी भेट देऊन पहाणी करत तपासा कामी सहकाऱ्यांना सुचना दिल्या. त्या नुसार पुढील तपास पोलीस उपनिरीक्षक सुरज मेढे हे करत आहेत.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
