नेवासा – नेवासा शहरातील मोकाट कुत्र्यांचा बंदोबस्त करण्याच्या मागणीचे निवेदन नागरिकांनी मुख्याधिकारी यांना दिले आहे दिलेल्या निवेदनात म्हटले आहे की शहरातील हेडगेवार चौक, मारूती चौक, श्रीराम मंदिर परिसर, मर्कस मस्जिद, शेजुळ गल्ली या परिसरामध्ये मागील काहि दिवसांपुर्वी १० ते १२ जणांना कुत्र्यांनी चावा घेतला होता. तसेच जिल्हा परिषद शाळा ही आपल्या गावामध्ये आहे. तरी शाळामध्ये लहान मुला-मुलींची संख्या जास्त असल्याने शाळा सुटण्याचे वेळेस किंवा भरण्याचा वेळेस घरी जाताना येताना त्या मुलांनाही सदरच्या कुत्र्यांपासुन धोका होऊ संभावतो. सदरचे मोकाट कुत्रे हे मोठ्या व्यक्तिना चावा घेतात तर लहान मुलांना का चावा घेवु शकणार? सदरची बाब अतिशय गंभीर असल्याने आपणाकडे वेळोवेळी सदरील समस्ये बाबत निवेदन दिलेले आहे.

तरी नगर पंचायत प्रशासन आपले कर्तव्य करताना दिसत नाही. प्रत्येक समस्येसाठी नागरीकांनी आंदोलन करायचे का मग प्रशासन काय करते असा प्रश्न नेवासकरांना पडला आहे.तरी अत्तापर्यंत २ वेळेस निवेदन दिले पण अद्यापपर्यंत लेखी आश्वासन कारवाई झालेली नाही.तरी आपण यावर लवकरात लवकर नेवासा शहरातील मोकाट कुत्र्यांचा बंदोबस्त करावा. अन्यथा २६ जानेवारी रोजी सकाळी १०.०० वा. आम्ही नेवासा नगर पंचायत आवारात उपोषणास सर्व ग्रामस्थ बसणार आहोत.
निवेदनावर शिवा राजगिरे,प्रवीण कळमकर,प्रसाद पोतदार, नदीम पठाण,कृष्णा वाघ,योगेश डहाळे,गणेश डहाळे,अंकुश लवडकर,यशवंत शेटे,भाऊसाहेब वाघ,प्रदीप वाखुरे, निलेश पाटील,रौफ आतार, राजेंद्र पोतदार यांच्या सह्या आहेत.

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.