नेवासा – कोणतेही राजकीय पाठबळ मागे उभे नसताना मुंबई-पुणेसारख्या शहरातील शिक्षण संस्थेलाही लाजवेल, अशी एक दर्जेदार शैक्षणिक संस्था बेल्हेकर कुटुंबियांनी ग्रामीण भागात उभी करुन ही शिक्षण संस्था हा व्यवसाय न समजता विद्यार्थ्यांचे भविष्य घडविण्यासाठी उभी केली. बेल्हेकर कुटुंब हे कुशल शिल्पकार असल्याने या शिक्षण संस्थेत देशाचे भावी संस्कारशील नागरिक घडविले जातात, विद्यार्थ्यांनी येथील ज्ञानामुळे राज्यात विविध क्षेत्रात उत्तुंग भरारी घेतली, हीच खरी अभिमानास्पद बाब असल्याचे गौरोद्गार चित्रपट अभिनेत्री सोनाली कुलकर्णी हिने भानसहिवरे येथील सुलोचना बेल्हेकर शैक्षणिक संस्थेच्या ‘जल्लोष-२०२५’ या वार्षिक स्नेहसंमेलनाच्या प्रमुख अतिथी म्हणून बोलताना केले.
यावेळी संस्थेचे अध्यक्ष डॉ.सुरेशराव बेल्हेकर, संस्थेच्या संचालिका डॉ. रंजनाताई बेल्हेकर, गंगाभाऊ बेल्हेकर, अशोकराव बेल्हेकर, संस्थेचे सचिव कल्याणराव पाटील, पंचायत समितीचे माजी उपसभापती किशोर जोजार, सरपंच मिनाताई जोजार यांच्यासह विविध क्षेत्रातील सामाजिक, धार्मिक, शैक्षणिक मान्यवरांच्या मांदियाळीत ‘जल्लोष-२०२५’ वार्षिक स्नेहसंमेलनाचा रुबाबदार सोहळा झाला.
अभिनेत्री कुलकर्णी म्हणाल्या, ज्ञानार्जन करणाऱ्या शैक्षणिक संस्था या पिढीजात परंपरा आणि राजकीय कवचकुंडले असल्याशिवाय निर्माण होत नसतात. मात्र, बेल्हेकर कुटुंबियांनी चक ही संस्था आपल्या मातीतच उभी करुन विद्यार्थ्यांना ग्रामीण भागात आता दर्जेदार शिक्षण देण्याचे स्वप्न मनी बाळगून या संस्थेचे वटवृक्ष निर्माण केल्याचा आपल्याला सार्थ अभिमान असल्याचेही त्यांनी स्पष्ट केले. यावेळी विद्यार्थ्यांच्या कलागुणांना अभिनेत्री कुलकर्णी हीने टाळ्या वाजवत प्रतिसाद देऊन आपल्या मनाचा मोठेपणा दाखविल्यामुळे श्रोत्यांनी अभिनेत्री कुलकर्णी हीचे कौतुक केले.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
