पोलिसांनी परिसर काढला पिंजून, नवीन कायद्यानुसार अज्ञात व्यक्तीवर गुन्हा दाखल.

पाचेगाव – नेवासा तालुक्यातील पाचेगाव येथे काल १६ ऑगस्ट शुक्रवार रोजी सकाळी दाहाच्या सुमारास सकाळी गावातील महिला मजुरांना पाचेगाव ते पाचेगाव फाटा रस्त्याच्या कडेला असणाऱ्या लाख कालव्याच्या शेजारी गाव लगत असणाऱ्या एक शेतात अज्ञात व्यक्तीचा खून झालेल्या अवस्थेत मृतदेह आढळून आला,त्यानंतर सर्व गावात ही चर्चा होऊन घटनास्थळी ग्रामस्थांनी धाव घेतली.अ ज्ञात व्यक्तीच्या मानेवर तीक्ष्ण हत्याराने वार करून त्यात त्या अज्ञात व्यक्तीचा खून झाला असल्याचे निष्पन्न झाले. नेवासा पोलिस ठाण्यात उशीर पर्यन्त अज्ञात व्यक्तीवर गुन्हा दाखल करण्याचे काम सुरू होते.

खून झालेल्या अज्ञात व्यक्तीचे अंदाजे वय ३५ वर्ष असल्याचा अंदाज पोलिसांनी व्यक्त केला. उंची:- १६५ से. मी.
अंगावर निळी जिन्स पॅन्ट, आकाशी टी शर्ट, माचो कंपनीचे लाल रंगाची अंडर वेअर, लाल रंगाचे बनियन, दोन्ही पायात ग्रे रंगाचे सॉक्स, तपकिरी रंगाचा बेल्ट, उजव्या हाताच्या मनगटात सप्तरंगी दोर आहे, कमरेला लाल रंगाचा करदोरा तसेच सप्तरंगी नाडा, तर्जनीमध्ये अंगठी असून त्यावर महाकाल असे लिहिलेले आहे. त्यामुळे खून झालेला व्यक्ती कोण?व खून कोणी व कश्यासाठी केला,हे समजू शकले नाही. घटनास्थळी पोलीस निरीक्षक धनंजय जाधव,उपनिरीक्षक विजय बोभे, मनोज आहेर,विकास पाटील व पोलीस नाईक ढमाले यांनी येऊन अज्ञात व्यक्तीच्या प्रेताची शहानिशा करण्याचा प्रयत्न केला.तसेच पुढील पंचनामा करण्यासाठी नेवासा येथील प्राथमिक आरोग्य केंद्रात शवविच्छेदन करण्यासाठी पाठविण्यात आला.

सकाळी दहा वाजल्यापासून पोलिसांनी परिसर पिंजून काढला.त्यात पोलिसाच्या हाती असा काही ठोस पुरावा लागला नाही. खून झालेला व्यक्ती हा बाहेरील राज्यातील कामगार असल्याचा संशय यावेळी व्यक्त करण्यात आला.पाचेगाव,श्रीरामपूर -नेवासा रस्त्यावर पाचेगाव फाटा,गोणेगाव,इमामपूर या ठिकाणी असलेल्या सी सी कॅमेरे उशीर पर्यन्त तपासण्यात आले असून पुढील तपास पोलीस निरीक्षक धनंजय जाधव हे स्वतः करीत आहे. या अज्ञात व्यक्ती बद्दल कोणास काही माहिती असल्यास नेवासा पोलीस ठाण्याशी संपर्क साधण्याचे आवाहन पोलीस निरीक्षक धनंजय जाधव यांनी ग्रामस्थांना केले आहे.तसेच गावातील व्यापारी व इतर ग्रामस्थांनी सी सी कॅमेरे बसविण्याचे देखील आवाहन केले.

आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.

आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.

कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.