चार श्रावणातील शनिवारी लाखो भाविकांनी घेतले दर्शन
नेवासा – छत्रपती संभाजीनगर जिल्ह्यातील खुलताबाद रत्नपूर येथील भद्रा मारुती देवस्थान येथे श्रावणी महोत्सवाची चौथ्या श्रावणी शनिवारी भक्तिमय वातावरणात सांगता करण्यात आली.पहाटेपासून भाविकांनी येथे दर्शनासाठी गर्दी केली होती.श्रावणात आलेल्या चार ही शनिवारी लाखो भाविकांनी भद्रा मारुतीचे दर्शन घेतले.
छत्रपती संभाजीनगर जिल्ह्यातील खुलताबाद (रत्नपूर) भद्रा मारुती येथे चौथ्या श्रावणी शनिवारी पहाटेपासूनच भाविकांनी दर्शनासाठी गर्दी केली होती “बजरंग बली की जय”पवनपुत्र हनुमान की जय” “जय श्रीराम” च्या जयघोषाने परिसर गजराने परिसर दुमदुमला होता. भद्रा मारुती संस्थानचे विश्वस्त माजी खासदार चंद्रकांत खैरे,संस्थानचे सचिव व मंत्री नामदार अतुल सावे,अध्यक्ष मिठूभाऊ बारगळ,उपाध्यक्ष बाबासाहेब बारगळ, कार्याध्यक्ष किशोर अग्रवाल,विश्वस्त कचरू पाटील बारगळ,भूषण अग्रवाल,खंडेराव बारगळ,संस्थानचे सुरक्षा व जनसंपर्क अधिकारी राजेंद्र जोंधळे यांच्या अधिपत्याखाली भद्रा मारुती देवस्थानने अधिक प्रगती केली असून या जागृत संस्थानच्या माध्यमातून वर्षभर विविध उपक्रम राबविले जात असल्याची माहिती यावेळी संस्थानच्या वतीने देण्यात आली.
येणाऱ्या भाविकांसाठी सर्व सुविधा उपलब्ध करून देण्यासाठी अधिक प्रयत्न अध्यक्ष व विश्वस्त मंडळींकडून होत असल्याने संस्थानची उत्कर्षाकडे वाटचाल सुरू असल्याचे भद्रा मारुती संस्थानचे सुरक्षाअधिकारी राजेंद्र जोंधळे यांनी आमच्या प्रतिनिधीशी बोलतांना सांगितले. श्रावणाच्या समारोपाच्या चौथ्या शनिवारी भाविकांनी नित्यनेमाने येथे येऊन आपली खेटी पूर्ण करून भक्तीच्या सेवेचे दर्शन घडवले.श्रावण मासातील शेवटचा शनिवार असल्याने मध्यरात्री रात्री १२ वाजेपासून भाविकांनी दर्शनासाठी गर्दी केली होती. भाविकांच्या सेवेसाठी आरोग्य सेवा,रुग्णवाहिका सेवा,पिण्याचे स्वच्छ पाणी व्यवस्था भद्रा मारुती देवस्थानच्या वतीने करण्यात आली होती.
पहाटे पासूनच भाविकांनी दर्शनासाठी मोठी गर्दी केल्याने मंदिर प्रांगण भक्तांच्या गर्दीने फुलून गेले होते. दर्शनासाठी आलेल्या सर्व भाविकांचे भद्रा मारुती देवस्थानचे सुरक्षा अधिकारी राजेंद्र जोंधळे यांनी स्वागत केले.भाविकांना रांगेत दर्शन घेता यावे म्हणून पोलीस स्टेशन, होमगार्ड तसेच पोलीस मित्र संघटनेच्या कर्मचारी वर्गाने उत्कृष्ट सेवा दिली.प्रभू रामचंद्र की जय पवन पुत्र हनुमान की च्या गजराने मंदिर परिसरातील वातावरण भक्तिमय बनले होते.
आपली जाहिरात इथे करण्यासाठी खालील क्रमांकावर संपर्क करावा :
७५०७६७६०७५.
आम्ही नेवासकर न्युज अपडेट साठी सोबत दिलेल्या लिंक वर क्लिक करा आणि नेवासा तालुक्यातील सर्व न्यूज अपडेट जाणून घ्या.
कृपया एका व्यक्तीने एकच ग्रुप जॉईन करावा, कारण सर्व ग्रुप वर सारख्याच न्युज अपडेट होणार आहे.
